荷華庭園景餐廳 (已結業)

今次同朋友放假想chill下黎到大埔林村依間餐廳試試，環境好大好似去左渡假，下午叫左lunch set，有頭盤主菜同飲品，食物方面，頭盤有春卷薯角炸得香脆可口，酥皮龍蝦湯：配有脆卜卜蒜蓉包，酥皮好香牛油味，湯裏有粒粒龍蝦肉，湯味鮮甜濃郁鵝肝醬焗豬扒飯：鵝肝汁好香，豬扒大大塊好鬆軟，炒飯粒粒分明有蛋香味香煎魚柳配蜜糖柚子汁：魚柳兩大塊煎得外脆内軟，蜜糖柚子汁酸酸甜甜好開胃，配有沙律薯蓉雞肉芝士餡餅：饀餅入面佈滿拉絲芝士，食落熱辣辣好正焗火焰雪山：蛋白灑上少少烈酒，一點火就火光閃現，巧克力外層以雪糕同雜果蛋糕做內餡好好味，飲品方面叫左荷塘青蛙（青檸沙冰）：味道酸酸甜甜，好消暑解渴，紫貝天葵冰糖雪梨蘆薈：賣相好吸睛，入口味道清新，整體方面員工友善，除咗環境，餐廳食物質素亦好高素 ，滿意既一餐