金鷺湖

營業中

休息中

週末趁天氣吾錯，就同左朋友去小白鷺影相，之後book定窗口位食埋中菜，一邊食飯一邊欣賞湖景。餐廳裝修華麗，有種低調奢華嘅感覺。叫咗龍井茶，茶香撲鼻，味道清新，喺等菜嘅時候就已經覺得好享受。前菜小食有腰果，香脆可口，醬料有XO 醬，味道濃郁，少許香辣味。鵝肝醬炸蝦丸 每一個蝦丸都炸到外皮金黃酥脆，入面釀左鵝肝醬，鵝肝醬嘅濃郁與蝦丸嘅鮮甜完美融合，層次豐富，口感細膩嘅鵝肝醬為味蕾帶來奢華感。明太子釀蟹蓋 賣相精緻，蟹肉份量超級多，口感鮮美，明太子嘅鹹香提升咗蟹肉嘅味道層次，令人食指大動。砵酒焗美國生蠔 一開蓋就聞到砵酒特有嘅香氣，焗美國生蠔肥美，金黃色嘅焗生蠔肉質鮮嫩而富有彈性，與砵酒嘅微醺香氣完美融合，每一口焗生蠔都有酒香嘅回韻，令人回味無窮。蜜餞欖角脆香骨 帶有一種溫和嘅甜香，與炸香骨嘅鹹香味相互平衡，，增添一份特色嘅風味。