大滾友火鍋 (美新大廈)

營業中

休息中

好耐冇打邊爐所以今日就約咗朋友嚟到呢間自己心目中大埔火鍋嘅首選「大滾友」開餐。之前試過排骨山濃湯同豆乳濃湯湯底味道非常唔錯，所以今次就試埋其他湯底，今次叫咗花膠雞湯底。半隻雞份量都唔少，未開始打邊爐之前侍應會幫你剪開啲花膠再放入個湯底，之後建議你先飲湯再開始打邊爐，湯底味道清甜超級正 🤤 同朋友每人都飲左兩碗。大滾友牛肉拼盤必食，拼盤包咗好多款牛肉部位，肉味濃郁，牛肉控實鍾意。伊比利亞橡果豬脂肪分佈均勻，入口順滑柔嫩之餘帶有堅果同橡木嘅甘甜味，就算食多啲都唔會有太過油膩嘅感覺。每次嚟都必定會叫嘅蟹黃餃，多餡又多汁蟹肉味超鮮甜。最後食埋視覺效果一流嘅火焰豆腐花。