德意餐廳 (已結業)

[ 德意餐廳 ]最近大埔區新開德國菜餐廳🇩🇪，性價比唔錯，食物份量多，仲免收加一，好適合約埋朋友來聚餐🍽️。✿ 招牌德國鹹豬手配酸菜及德國薯蓉 $235豬手好巨型，份量足夠2-3人食用。外皮烤得香脆，肉質實在得來唔嚡口，係食德國菜必點之選。另外配上蜜糖芥末醬/酸忌廉醬食都幾夾🍖。✿ 帶子野菌黑松露意粉 $158意粉炒得好香口，每條意粉都沾滿黑松露同香草🌿，意粉幼身彈牙，食完一口接一口，仲有3粒帶子，微微煎香。✿ 秘密果園- 芒果熱情果慕絲蛋糕 $65呢款甜品非常吸引，上枱時店員會燃點火🔥，等待燒完後即可食用。燒完後唔會有燶味，而蛋糕以橙🍊造型呈現，內裡係芒果慕絲蛋糕🥭，甜滑口感。總結🫦整餐性價比高，每道菜都份量充足，而且甜品方面幾有特式，同朋友來普通食飯或者慶祝都幾唔錯👍🏻。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿德意餐廳地址: 大埔翠怡街3號翠怡花園地下18-19號舖電話: 34800701✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿