Oliva (已結業)

某次經過見到裝修幾特別，就諗有機會要試下，結果上星期五就試到喇。得兩個人，只要左半份香辣雞肉pizza，一客芝士雞肉車輪粉（細）。本來係想要一份pizza，不過侍應話兩個人食唔晒（隔離檯真係好大份），要半份比較好，雖然半份要七折價錢唔多抵，不過冇辦法啦。過左一陣，個pizza就有得食，雖然係香辣雞肉，不過實際上唔係好辣，不過老實講除左個四方形外形特別外，真係冇乜特別，個人覺得Pepperonis好味ｄ。至於個芝士雞肉車輪粉，我覺得好好味，芝士味夠晒濃，車輪粉亦非常特別，不過真係好heavy，好快就會食飽，結果飽到飛起。價錢方面，兩個人$166埋單，我覺得都幾合理。服務方面，serve我地個男侍應都幾好禮貌，反應都幾快。另外，我地個晚見到唔係冇waitess，仲有兩個添！