影片
更多
2022-04-07
162 瀏覽
大埔呢間客家私房菜其實身邊已經有朋友推介過幾次，一致嘅評價係 : 又平又好食。而且完全唔落味精同豉油，絕對係kids friendly。上年有晚市嘅時候，我地一家四口已經黎過一次，海鮮套餐每位只係$160有成5,6樣餸，仲有埋老火靚湯，勁清甜🥰食到捧住個肚走。我同老公不約而同唸 : 做到咁平又好食，點圍皮？！但當時我地略為覺得餸菜有少少偏咸，大廚Ben話客家菜係比較重味d。今次我地黎左食晏，價錢一樣好正，40幾蚊有一個餸，一個飯👀大廚Ben今次推介左三樣小菜😋💚生煎洋蔥雞扒雞扒用香料醃，無經油炸，直接生煎至熟，我唸香港無乜餐廳仲會慢慢嘥時間去煎。令我最驚喜係完全無雪味，清清地肉質仲要好滑😌平時我係唔中意食雞扒嘅，呢一餐我自己食左半碟😛🤎墨魚肉餅用左好多隻小墨魚🦑去造嘅肉餅，未食入口已經聞到好香嘅鹹香味，食落口肉質好彈牙，好好送飯😗💙海咸鮮 (魚)呢碟餸對我黎講無乜驚喜，因為同我媽煮嘅一樣口味😂用左預先用左少少鹽醃左一日嘅魚，加埋薑粒去蒸，無加豉油嘅情況下，薑除咗可以去除魚嘅腥味，亦都可以帶出魚嘅鮮味，魚仲要蒸得好滑😆好有媽媽嘅味道☺️💜月桂奶茶用自家種嘅月桂葉去煲奶茶真係第一次見，佢唔似
上年有晚市嘅時候，我地一家四口已經黎過一次，海鮮套餐每位只係$160有成5,6樣餸，仲有埋老火靚湯，勁清甜🥰食到捧住個肚走。我同老公不約而同唸 : 做到咁平又好食，點圍皮？！但當時我地略為覺得餸菜有少少偏咸，大廚Ben話客家菜係比較重味d。
今次我地黎左食晏，價錢一樣好正，40幾蚊有一個餸，一個飯👀大廚Ben今次推介左三樣小菜😋
💚生煎洋蔥雞扒
雞扒用香料醃，無經油炸，直接生煎至熟，我唸香港無乜餐廳仲會慢慢嘥時間去煎。令我最驚喜係完全無雪味，清清地肉質仲要好滑😌平時我係唔中意食雞扒嘅，呢一餐我自己食左半碟😛
🤎墨魚肉餅
用左好多隻小墨魚🦑去造嘅肉餅，未食入口已經聞到好香嘅鹹香味，食落口肉質好彈牙，好好送飯😗
💙海咸鮮 (魚)
呢碟餸對我黎講無乜驚喜，因為同我媽煮嘅一樣口味😂用左預先用左少少鹽醃左一日嘅魚，加埋薑粒去蒸，無加豉油嘅情況下，薑除咗可以去除魚嘅腥味，亦都可以帶出魚嘅鮮味，魚仲要蒸得好滑😆好有媽媽嘅味道☺️
💜月桂奶茶
用自家種嘅月桂葉去煲奶茶真係第一次見，佢唔似港式嘅奶茶咁濃，但又冇英式嘅奶茶咁淡。飲落去係清新又順喉嘅感覺，滑😊我覺得女仔會好中意😋有啲想配件鬆餅🤣
大廚Ben有同我地分享d餸點樣整，亦有講吓呢十幾年喺大埔煮嘢食大家嘅口味變化，所以佢嘅客家菜亦都吸納左大家嘅意見，啖口返d更有家嘅味道🥰
一碟餸，能夠令你有家嘅味道，真心推介。
張貼
