影片
更多
2022-07-29
534 瀏覽
上次喺大埔搵位泊車嘅時候，見到呢間新開嘅日式小店，今次終於黎探店試試小店用木系風格佈置日式休閒感，二人入座都安排到最舒服嘅卡位，真係好幸運💕座位上嘅用餐紙印有日式水墨畫，都勁鍾意❤️海觧拉麵🍜 ($84)拉麵裡面有好多海鮮，兩隻青口好咬落有彈性；鮮蝦彈牙；帶子嫩滑，而且啖啖肉；幾隻花甲都算大隻，冇沙。拉麵偏幼身，冇鹼水味。配菜嘅木耳同粟米份量好多，仲有半隻糖心蛋添。略嫌豬骨湯底味道偏重，有少少鹹。整個拉麵好豐富，呢個價錢係好抵食海膽魚生丼 ($118)因為肚餓，所以揀咗個當飯食。飯量唔多，但刺身就好足夠。三文魚偏厚身，啖啖鮮味。油甘魚2吋咁厚，但有少許魚筋。帶子大小適中，有淡淡鮮甜，而我最期待嘅海膽色澤好靚，味道鮮甜。小店提供獨立包裝茶包，可以沖一大杯濃而不澀嘅綠茶，飲完可以自行加水，但第二杯嘅綠茶味就淡好多，第3杯應該得返水味😂呢間小店係做街坊生意，食物質素唔錯，性價比好高。用餐時有傷殘人士入座，店員連忙上前協助，非常友善。各位大埔街坊有福啦，快啲去試下啦🥳
小店用木系風格佈置日式休閒感，二人入座都安排到最舒服嘅卡位，真係好幸運💕座位上嘅用餐紙印有日式水墨畫，都勁鍾意❤️
海觧拉麵🍜 ($84)
拉麵裡面有好多海鮮，兩隻青口好咬落有彈性；鮮蝦彈牙；帶子嫩滑，而且啖啖肉；幾隻花甲都算大隻，冇沙。拉麵偏幼身，冇鹼水味。配菜嘅木耳同粟米份量好多，仲有半隻糖心蛋添。略嫌豬骨湯底味道偏重，有少少鹹。
整個拉麵好豐富，呢個價錢係好抵食
海膽魚生丼 ($118)因為肚餓，所以揀咗個當飯食。飯量唔多，但刺身就好足夠。三文魚偏厚身，啖啖鮮味。油甘魚2吋咁厚，但有少許魚筋。帶子大小適中，有淡淡鮮甜，而我最期待嘅海膽色澤好靚，味道鮮甜。
小店提供獨立包裝茶包，可以沖一大杯濃而不澀嘅綠茶，飲完可以自行加水，但第二杯嘅綠茶味就淡好多，第3杯應該得返水味😂
呢間小店係做街坊生意，食物質素唔錯，性價比好高。用餐時有傷殘人士入座，店員連忙上前協助，非常友善。各位大埔街坊有福啦，快啲去試下啦🥳
張貼
