肯德基家鄉雞 (KFC)

營業中

休息中

今日下午6:45去買外賣自取，個服務員執少左食物，返到屋企先發現，咪諗住打個電話去同佢講聲，等佢叫啲同事以後留意番，點知佢話半個小時送番啲食物黎，仲叫我留電話地址，承諾半小時送到，結果等左一個鐘都未到，咪打電話去問下囉⋯⋯點知個女經理態度極度惡劣，話有同事送緊速遞架喇，咁我只不過問句咁其實要等幾耐，因你地本身話半小時，佢即刻態度好差，語氣好重又好輕挑咁話已經有同事送緊，但就唔肯講幾耐先到，淨係話應該好快，你等下啦！哇！咁嘅態度勁差囉！我黎買外賣我比足錢架！而家係你執少左野比我呀！我而家黎乞食呀？頂你個肺！今時今日咁嘅服務態度，仲話個女經理？佢做洗碗阿嬸我都嫌棄你未夠班呀！我係高層一定炒左呢個所謂嘅經理囉⋯⋯結果最終要100分鐘先送到...同一早承諾嘅30分鐘嘅出入都幾大呀喎⋯⋯大埔超級城嘅女經理，你講嘅就快到架喇！都要我等多30分鐘囉！！！！😡😡😡😡😡😡😡😡😡😡