和拉麵

營業中

休息中

朋友帶我遊大埔，肚餓個陣路經哩間隱世日本拉麵，作為拉麵迷，梗係二話不說食咗先講！入到去間野幾靚，waiters仲要齊聲講歡迎光臨いらっしゃいませ！ 感覺好親切，真係諗起之前去日本食野嘅感覺。哩間野係自選形式去揀拉麵，湯底我要咗濃味小辛辣，真係好濃郁，好香蛋黃味，有種漿住係口嘅感覺。麵我揀咗正常硬度，食落啱啱好，有啲彈牙爽口，幾岀色。仲有佢嘅叉燒，大大塊，好入味，而且厚身。我另外加多咗半粒溏心蛋，好幼滑，流心蛋黃好香甜，一極棒！今日果然無入錯黎！地點雖然係難搵少少，但好野通常都係隱世之地，大家快啲去發掘佢岀黎，支持小店。