一鳴拉麵

營業中

休息中

天氣開始轉涼，都想食碗熱辣辣嘅麵，之前經過呢間「一鳴」見到排晒隊已經想試，今日見時間尚早未算太多人，終於有機會試了。有五款拉麵可以揀，午市可以加8蚊要飲品及18蚊要一款小食，仲免收加一，都算抵食。豬骨濃湯拉麵 :麵條揀咗太麵，配料可以揀豬軟骨或火炙叉燒，兩樣都想食嘅我決定加20蚊要晒。先試一啖湯，味道鮮甜濃郁，太麵比普通拉麵粗而有嚼勁，彎彎嘅麵條可以沾到更多湯汁，感覺更好味。兩款配料個人較喜歡豬軟骨，煮得好淋好入味，而叉燒肥瘦度啱啱好，經火炙後更香口，配埋溏心蛋及木耳絲，整體感覺好滿足。煎雞軟骨棒餃子 :喜愛雞軟骨嘅我，當然要試呢款餃子。餃子外皮煎得香脆，無乜油膩感，入口脆卜卜，好味道。