老馮茶居 (海寶花園)

第一次去11點唔使排隊就入得，但之後陸續見到好多人等位，鋪面好細，係需要搭枱㗎，但坐得好舒服。樓面好忙，但態度、服務質素，都非常好。鋪頭擺咗好多舊香港充滿特色嘅擺設，係一個打卡嘅好地方， po左相之後都有好多人問我係邊度。食物好食唔使講～燒賣超多料，多料到成個波咁個特式混帳腸粉，我覺得偏鹹，但同行鍾意食仲有鵪鶉蛋燒賣，而家唔係周圍都有得食那個流沙芋頭包，非常好味，芋泥好香，係真材實料，外面食唔到個奶黃千層糕，食到豬油糕同鹹蛋奶黃椰絲，啲料多到蓋過白色嘅包，非常好味，好食過上環蓮香樓好多新年期間，有黑糖年糕同芝麻煎堆仔，做得好到位，已經係新年前食咗四次茶居係支持學生嘅，固然會野左好多政見唔同嘅人寫負評，本人已經幫襯多次，質素同價錢都非常公道，店舖好受歡迎， 11:30後至到下晝3點都坐滿，大家可以自己去試下