影片
更多
2008-07-23
13 瀏覽
最近都要OT到好夜, 返到大埔好多舖頭都已經收哂啦~見到廣福道有"利廣成魚蛋粉" 咁鬼大個招牌, 仲話營業到一點, 啱哂我呢啲夜鬼~上次入到去鬼形都唔多隻, 淨係聽到冷氣機啲呼呼聲, 以為自己攪錯, 係咪已經閂咗舖呢?後來有個嬸嬸叫我隨便坐, 好有禮貌同殷勤咁幫我落單, 呢啲真係好多香港侍應要向嬸嬸學習下~我叫咗魚蛋米, 腐乳通菜同凍0水. 啲魚蛋唔會好實, 但都幾爽幾彈, 有魚味, 唔會好重味精, 碗粉真係幾大, 夠我食~ 菜同飲品我都冇乜要求, 俾佢passed.後來食食下又多番啲人入黎, 嬸嬸即刻較大兩度冷氣, 我見個場旺番啲, 都替佢地地開心~講返今次, 再黎食墨丸河, 佢啲墨丸好多墨魚粒, 有咬口. 啲河粉唔係好爽而係食落有啲"粉粉地"嗰種, 都幾索味, 我覺得幾特別喎~多謝呢間舖頭咁夜都煮嘢俾我食, 食完俾錢嗰陣都仲有啲感激~
見到廣福道有"利廣成魚蛋粉" 咁鬼大個招牌, 仲話營業到一點, 啱哂我呢啲夜鬼~
上次入到去鬼形都唔多隻, 淨係聽到冷氣機啲呼呼聲, 以為自己攪錯, 係咪已經閂咗舖呢?
後來有個嬸嬸叫我隨便坐, 好有禮貌同殷勤咁幫我落單, 呢啲真係好多香港侍應要向嬸嬸學習下~
我叫咗魚蛋米, 腐乳通菜同凍0水. 啲魚蛋唔會好實, 但都幾爽幾彈, 有魚味, 唔會好重味精, 碗粉真係幾大, 夠我食~ 菜同飲品我都冇乜要求, 俾佢passed.
後來食食下又多番啲人入黎, 嬸嬸即刻較大兩度冷氣, 我見個場旺番啲, 都替佢地地開心~
講返今次, 再黎食墨丸河, 佢啲墨丸好多墨魚粒, 有咬口. 啲河粉唔係好爽而係食落有啲"粉粉地"嗰種, 都幾索味, 我覺得幾特別喎~
多謝呢間舖頭咁夜都煮嘢俾我食, 食完俾錢嗰陣都仲有啲感激~
張貼