利廣成魚蛋粉麵 (已結業)

好食嘅嘢唔洗一定貴。今日lunch就去咗一間好＂地道＂嘅粉麵舖食平嘢。平時等巴士都有留意呢間舖，似係開咗好一段時間，有番咁上吓歷史嘅粉麵店。店內全係圓枱圓櫈，但環境尚可接受。雲吞河$20一碗，但絕不欺場。有5粒雲吞，幼河粉，夠薄又滑。再加上腩汁，更加好味。加$7有半份炸魚皮，呢度嘅炸魚皮唔似平時食開嗰啲薄薄咁、一浸就淋。魚皮厚得嚟夠香夠脆，好有口感。又平又好食，確係速食之選。

本身我不想來這裡吃魚蛋粉，但爸爸想來，就陪他來了~這是爸爸到內地工作前最後留港的早餐!!我叫了魚蛋粗麵 ($19) 配熱檸茶($5)爸爸叫了片頭麵加腩汁 ($19) 配熱奶茶($5)另外再加碟魚皮 ($6)由於只係平日上午九時多，客人不多，可以坐得較舒適~今次的魚蛋比上次來時較大粒，而且有彈性，都幾好吃，魚片就較薄~至於魚皮，份量很少的，只有幾片，但幾香脆，爸爸每次必點的~至於熱檸茶，因為伙記都記得我要喝濃茶的，不用說已經沖了杯特濃熱檸茶，可以提提神~今次質數比上次好，是上午少人的緣故嗎?

依間店的總店在廣福邨，不過依度環境比起廣福的冬菇亭熟食中心好多了，至少冷氣充足~廣福道的分店由開業初已經幫襯，以前得好少人知呢度既魚蛋好食，其他人來大埔都會去左新街市食，或者去左海達，不過我與家人都是最怕等位同迫的，但又好鐘意食魚蛋粉，所以係大埔見到新開既食店都會走去試的，利廣成就係其中之人了~幫襯左幾多年真係唔記得，至少四、五年了，由以前好少人幫襯到而家星期日要等位，見到人氣係越嚟越盛的~不過食物質數同價錢就同人氣成反比了，以前客人坐下就先奉上熱茶，但現在竟以環保比前題連清茶也不奉客了~客人需要茶則要問忙碌的待應取~食物價錢方面則由數年前的 $15 一碗魚蛋粉加到今日的 $19，而跟餐飲品價錢則由 $3加到$5，我明白現在的通漲很犀利，但價錢加了食物反而差了，對利廣成有點兒失望~今次叫了利廣成另一款大熱食物，牛肚麵加熱檸茶 (套餐價 $24) 牛肚份量算多，但是麵質太淋，不好吃，而且湯底超鹹，太重味精了~應該都會有一段長時間不會再來幫襯了，希望下次再來吃可以尋回以前的味道LA~

對於一些我時常經過.過門不入的店.我總有一天會試一次.位於大埔廣福道的利廣成主要是賣魚蛋.附近也有4至5間店賣同類食物.計環境的格局呢間店最差.雖則環境闊落.但地下有漬水.地方破舊.坐的是摺枱.膠椅.幸好冷氣充足.樓面只有一位亞姐打理.粗聲粗口也不要介意.也有一位印傭,奇怪的..印傭只負責呆企.價錢合理19元至24元一碗粉麵.凍飲加7元...凍華田7元.糖水落得太重手.超甜.華田味道又欠決.相當差.魚旦河:首先說魚旦雖則滑,但質地有點實.帶薄薄魚味,而不會腥.河粉條條分明也滑身.湯底也有薄薄魚味.但也有味精.埋單26元.味道也不錯..只要接受到環境就可以..

2012年4月1日男友在大埔工作，他說最近發現一間不錯的麵店。難得假期，這天中午便與男友入來試試。男友點了墨魚丸炸魚片頭米粉，他大讚墨魚丸好味，所以他也把一粒墨魚丸給我試試，果然很彈牙，而且充滿墨魚香味。炸魚片頭卻一般了! 我點了三式牛丸米線，三丸包括牛丸、牛筋丸及黑椒牛丸。三款丸的質感不同，我最愛牛丸，三丸中最彈牙。 牛筋丸及黑椒牛丸的肉質相比牛丸較散，黑椒牛丸充滿黑椒香味。腩汁油菜也很有水準。凍奶茶也不錯呢。2012年4月6日這天我與男友又決定入大埔，我提議再來吃墨魚丸，因為我開始掛念這兒的墨魚丸了。這次我點了墨魚丸牛丸米線，依然很彈牙的墨魚丸與牛丸。男友這次點了墨魚丸雲吞，當然男友又給我一粒雲吞讓我試試，雲吞也不錯呢!2012年4月7日哈哈...雖然早一天才吃過，我還是要求再來吃墨魚丸，幸好男友沒拒絶我這個要求呢!這次我點了墨魚丸魚皮餃米線，魚皮餃鮮味十足，正呀! 男友點了墨魚丸魚蛋米粉，魚蛋也不錯，但還是墨魚丸最出色呢!男友還點了炸魚皮，我還是喜愛吃魚多一點，我對炸魚皮沒有興趣呢! 難怪這兒的墨魚丸要$110一斤了! 下次在家吃火鍋，一定要買些回家呢!

在大埔吉之島結業前掃平野，所以去左大埔，念念不忘這間魚蛋粉，所以又去食一次，今次同老婆叫左魚蛋，牛筋丸及豬肉丸的麵，點知魚蛋比之前差左，估計係因為休魚期而影響材料質數，點知牛筋丸及豬肉丸有驚喜，最正係牛筋丸，有好香的牛肉味，咬口一流，好彈牙，裡面還有肉汁，如果唔係想去食阿婆豆腐花，一定叫多一碗．

呢間野d 魚蛋 & 魚片頭 好食。魚蛋好軟、滑，魚味濃郁。魚片頭爽口，口感同魚蛋唔同，兩者都好。每次食麵都會再來一碗【淨魚蛋片頭】。

五月二日在大埔食魚蛋麵,已經什麼不是數十年歷史作主了,在大埔壚有數間食魚蛋麵之店鋪,今次來則是利廣成.店鋪不大,再特色的是店鋪內還有一客房間放置位.房中有房也~叫一客豬手魚蛋麵,索價約二十元來得便宜味道又如何,豬手表面來得爽口,內部則來得淋,水準可以的,但如果和群記豬手就沒有什麼可能.店鋪說利廣成魚蛋,當然魚蛋就係主角,這裏的魚蛋來得死不實,又不像那種過份異常軟淋之列,爽口之剩滿有咬口.不是什麼大大粒.平實不做作的魚蛋,來得不錯.但湯底還是用上少許味精.但二十元又值得一吃的.大埔要吃完所有餐廳還有一段時間了.

最近都要OT到好夜, 返到大埔好多舖頭都已經收哂啦~見到廣福道有"利廣成魚蛋粉" 咁鬼大個招牌, 仲話營業到一點, 啱哂我呢啲夜鬼~上次入到去鬼形都唔多隻, 淨係聽到冷氣機啲呼呼聲, 以為自己攪錯, 係咪已經閂咗舖呢?後來有個嬸嬸叫我隨便坐, 好有禮貌同殷勤咁幫我落單, 呢啲真係好多香港侍應要向嬸嬸學習下~我叫咗魚蛋米, 腐乳通菜同凍0水. 啲魚蛋唔會好實, 但都幾爽幾彈, 有魚味, 唔會好重味精, 碗粉真係幾大, 夠我食~ 菜同飲品我都冇乜要求, 俾佢passed.後來食食下又多番啲人入黎, 嬸嬸即刻較大兩度冷氣, 我見個場旺番啲, 都替佢地地開心~講返今次, 再黎食墨丸河, 佢啲墨丸好多墨魚粒, 有咬口. 啲河粉唔係好爽而係食落有啲"粉粉地"嗰種, 都幾索味, 我覺得幾特別喎~多謝呢間舖頭咁夜都煮嘢俾我食, 食完俾錢嗰陣都仲有啲感激~

由廣福村時代開始已經好鐘意食呢到d魚蛋粉魚蛋有咬口但唔係為彈牙而彈牙有魚味~ 但唔係一味死咸環境好左湯底靚食魚蛋粉當然魚蛋一定要靚呢到d魚蛋係老細朝朝晨咁早就自己打絕對唔係求其係街買之作另外都推介呢到d墨魚丸好味到無得頂豬手麵我媽咪最鐘意食套餐係一碗麵加一杯飲品(不計特飲), 都係$20, 墨魚丸要貴少少總之係好味又抵食d粉係大大碗架~ 一定食得飽絕對唔係個d細碗到女仔都食唔飽個種

上次去廣福村吃了這間麵店的分店,這次剛剛經過,又來試吃一下,跟另一間大排檔分店比較,在這裡環境好太多了,有冷氣,看起來也很衛生多了,食物的味道也很好,這邊還有一個叫"芒果特飲",跟餐都係加幾元,去到記得食魚蛋,好好吃的不過要留心,晚上7時就關門的了...