甜魔魔 (已結業)

大埔有間專門用椰子殼整好多唔同種類既甜品糖水，見佢咁特別，不如試下先。裝潢無咩特別，普通甜品鋪咁樣，簡單既佈置。叫左三個甜品試試！「乳酪凍椰$42」呢個淨係睇賣相都已經贏啦，乳酪唔會太酸同唔會太甜，配上細粒棉花糖，m&m朱古力，星星脆脆，都幾豐富既。「燕窩熱椰$75」呢個表面已經見到燕窩，食落都唔錯，不太甜，味道剛剛好。「芝麻糊熱椰$45」呢個芝麻糊都好滑，但唔係好夠芝麻糊既味，都不過不失既。最後，一定要講既係，食完記得食埋椰子殼內既椰肉啦，唔好曬野嘛！