阿部屋日式板燒．豚肉專門店

營業中

休息中

洋風咖喱汁點招牌厚切吉列豬扒，睇落係正正常常嘅茶餐廳餐，但係食嗰陣時有啲驚艷到，首先係個米飯煙煙韌韌粒粒分明，食落都可以食到米飯嘅米香味，有啲似東北大米🍚，可能我對於飯嘅要求比較高，所以如果個飯嘅質量高嘅話呢我都會覺得呢個餐有加分點嘅，再講吓個豬扒，炸嘅火候係夠晒喉嘅，出面脆口，但係入邊唔會變得乾柴，呢個都要求到個師傅嘅水準會比較高，點埋佢哋個咖喱汁配得啱啱好，因為咖喱汁帶少少甜口，豬扒鹹香味中和到咖喱嘅甜味，呢個餐比較like，另外可以再加$10多一塊蜜瓜，蜜瓜就中規中矩啦，同自己喺出邊買嘅都差唔多，另外一個炭燒豬扒飯就比較唔同，炭燒豬扒有啲似生炸嘅豬扒，成舊連骨真係可以食得出個師傅炸豬扒嘅功力好高，出邊炸得爽脆入邊都可以保留到汁嘅風味，強烈推薦秘製蔥油汁，真係淨係呢度好易食得到咁好食嘅蔥油汁，香蔥味好濃，再加上個汁唔會太油，師傅先知原來呢個豉油係佢哋自己製嘅，並唔係喺出邊求其可以買得到。