大壹冰室 (已結業)

同屋企人係荃灣食dinner，經過呢間'大壹冰室''1969 kitchenOne' 。通常冰室係食茶餐廳野，但見到鋪頭出面個西式 dinner set menu 既食物幾吸引，所以就試下。間鋪有七十年代既懷舊feel ，牆上D裝飾好有retro 風格，坐得舒服。我好鐘意食海鮮，自己就叫左來個 '法式煎大蝦配香辣野菌墨魚麵' 來食, 我父母就叫左 '挪威厚切三文魚扒' 和 '精選荷蘭牛柳'。 食物來了，大蝦好香肉質彈牙，有少少辣，好開胃，配菜適中。墨汁意粉有麵質軟硬剛好，用既配料亦無蓋過麵本身既味道，所以試到佢有墨汁味唔係普通意粉。三文魚扒賣相幾好，煎得好香，魚扒比我地食開的熟左少少，但都算新鮮，亦一D都唔腥。三文魚同D香草同個汁好夾，好味 。另外我試左少少個精選荷蘭牛柳，我媽媽叫左八成熟，但好似熟左D，下次叫七成。平時食西餐我少食牛因為驚佢多筯，但呢個牛柳口感都幾淋， 肉質唔錯，好好食。食物既配菜一般，但整體都算合格，幾抵食。見到隔離枱個板石燒黑椒極品牛柳粒好似幾正，好吸引，下次一定要試。