肯德基家鄉雞 (KFC)

營業中

休息中

家裏無飯開，又係出街食嘅日子，是晚到了上水匯的KFC開餐，原因係行過聞到好香嘅炸雞味，其實佢新炸起都幾好味吖，凍左就油膩膩…咁快餐店又好難下下即叫即炸嘅。正值晚飯繁忙時段都排幾長龍，等十五個人先到我買，雖然有三個收銀加兩個執馬，但條隊都係郁得好慢叫左個蘑菇桶飯餐（$23.5），再加左個巴辣炸雞粒（$10），再樣野足夠食飽飽。桶飯個賣相真係好…蘑菇越黎越少，雞粒都叫有啲誠意，飯就好多，但太多水煮好淋，味道認真麻麻，勝在夠飽肚。唔夠汁送飯食，叫多盒雞粒加埋落去，都算係新炸起，仲熱仲脆，微微辣都幾好味。純為飽肚而食，味道未至於話難食，但亦稱唔上話好食