肯德基家鄉雞 (KFC)

營業中

休息中

收工突然之間好想食葡撻，咁啱見到佢出咗新口味，所以買返屋企試吓🤣「椰絲雞尾包葡撻」，面層灑咗啲糖霜，入面仲有椰絲餡料，好似真係食緊雞尾包咁🤣味道係想象得到嘅，但食多隻就開始膩了，都係原味啱我多啲。

今時今日食炸雞可以話係五花八門，有韓式、台式、日式、甚至連快樂鋒都黎埋香港一段日子！細細個就只係得KFC食炸雞，所以KFC嘅味道可以算係一種回憶。🔹原味家鄉雞：唔算係非常脆口，但都可以接受，食落唔會太油膩，比起幾年前有進步（個人覺得辣味好食啲）。🔹巴辣香雞翼：雞翼夠熱夠脆，一般買雞翼都會保持到香脆口感，加上香辣味同埋香脆炸粉，非常惹味。咬埋個脆骨食埋就大滿足！🔹葡撻：由細食到大，KFC嘅葡撻真係由細食到大都咁好食，酥皮夠脆，蛋黃夠香，加埋陣香甜味，食完會有種幸福同滿足嘅感覺（因為細個食甜品會覺得特別開心）㊙️巴辣香雞翼世界第一

一路行一路諗食雞有咩咁好食？突然之間肯德基就出現係眼前，摘日不如撞日就即時進入店鋪解開頭先既疑惑啦！見到有份餐叫做雙層雞扒軍艦幾特別，講明係創新無包雞堡，好似漢堡包又無麵包個樣好好食窩，其實有時食野就需要衝動，無咩考慮就決定試下，個無包雞堡一啖咬落去好食到真係難以形容，個兩層雞扒好食到無盡爆晒燈，可能係肯德基有史以來最經典既作品，裡面個層芝士融入左落去煙肉同雞度真係無諗過食雞肉可以咁好味！跟住執邊又有份薯格陪住食， 每口都係享盡人間既口福！

疫情下~上水KFC<肯德基>午餐时段人头涌涌~学生居多。下午茶后渐渐少了很多，怀疑无学生支撑境况如何???集团推出多款$24/下午餐，美味可口~反应不俗~有惊喜。

無帶裝備操拳，罪過罪過，連操 5 日太疲累，唔想煮都係食外賣快靚正！放肆一下唔過份，當養傷休息一晚，煮麵食需時但已經好肚餓，都係買幾件炸雞外賣當頭盤頂住先！我只係想買件雞食下，州民水客 1 人最少 1 夾，塞滿大小行人路，市民要行晒出馬路，人車爭路！包裝、紙皮、膠袋、煙頭通地掉，污煙瘴氣！上水那有光復過呀，最清新整潔暢通只有農曆新年約十日！唯有黑面高速移動衝衝衝，殺出條血路走到上水匯！以為自己係羅湖商業城，上水匯格局佈置，人流嘴臉氣氛，電梯大堂全部大媽攤位，都似十足大陸深圳。您個大陸婆唔識死打我尖！心情差劣加身水身汗，係要我爆您先安落！前面收銀大媽落黎幾耐？副輵速度慢得可憐，全程慢調斯理。我排頭位都罰企十幾分鐘，後面十幾個食客黑晒面！經理大媽終於發現排長龍，立即救亡！我買完離開，那位收銀大媽依然慢慢嘆緊豬油糕，仲係剛才我前面張單。收銀妹妹聲線十分溫柔，就算大家隔住口罩都使我有點心動！收銀妹妹真細心，兩款味道分上下床，還用油紙分隔，遠超我想像，不得不讚！收銀後生仔竟然離開櫃檯親自將外賣送到門口交到我手上，真係受寵若驚，有熱誠的後生仔！某次幫襯，收銀小妺妺不是操流利廣東話，聽死我咩！原來問

放咗工真係攰到唔想買餸煮飯，有時真係想是但搵啲嘢填飽個肚。最後去咗肯德基家鄉雞食個超值二人餐 4件雞 (家鄉雞 Orignia Recipe(2件) + 狂惹香燒雞Flava Crava Chicken (2件))炸雞部份，夠熱，夠香脆，粉漿都算薄。辣汁蘑菇香飯 (Mushroom Rice)今天的蘑菇汁質素正常，看到粒糕口蘑菇，味道辣辣地好開胃。白飯軟硬適中，最怕食到水汪汪的爛飯。溫度夠熱。經典葡撻 (Egg Tart)(2件)酥皮的葡撻好香，好酥脆。中間甜甜的蛋漿好誘人。百事可樂兩罐 Pepsi Cola 愛地球，走杯蓋、走飲管

一條友好肚餓想去食炸雞。kfc總喺最就腳嘅炸雞店。夜晚唔算太多人，一個人買完都容易搵位。平時嘅餐好似唔夠食 所以叫左個五重大盛巨盒。有1件辣雞，薯格，飯同埋包。野飲叫左百事。炸雞實在太厚粉，雖然入面都唔係好乾。薯格係可以接受嘅，脆脆地。今日個磨菇幾多汁，但個飯就好淋。。包嘅炸雞一樣咁厚，汁又唔夠多，食落有啲乾哽嘅感覺。汽水就永遠都係冇晒汽，好似飲糖水咁。 呢個餐的確個份量喺幾夠 ，一個男人都食得好飽。。

家裏無飯開，又係出街食嘅日子，是晚到了上水匯的KFC開餐，原因係行過聞到好香嘅炸雞味，其實佢新炸起都幾好味吖，凍左就油膩膩…咁快餐店又好難下下即叫即炸嘅。正值晚飯繁忙時段都排幾長龍，等十五個人先到我買，雖然有三個收銀加兩個執馬，但條隊都係郁得好慢叫左個蘑菇桶飯餐（$23.5），再加左個巴辣炸雞粒（$10），再樣野足夠食飽飽。桶飯個賣相真係好…蘑菇越黎越少，雞粒都叫有啲誠意，飯就好多，但太多水煮好淋，味道認真麻麻，勝在夠飽肚。唔夠汁送飯食，叫多盒雞粒加埋落去，都算係新炸起，仲熱仲脆，微微辣都幾好味。純為飽肚而食，味道未至於話難食，但亦稱唔上話好食

真係唔明白點解肯德基家鄉雞永遠都要人哋等咁耐，佢每一間分店都只係得兩個收銀機，每個店員都好似慢活咁，明明麥當勞可以好快搞掂嘅事情，去到肯德基要付出三倍甚至四倍時間，每次想食都要排隊排好耐，同埋套餐其實都唔係好抵， 60幾蚊都唔知食咗啲乜。講返個蘑菇飯，啲蘑菇真係好少，味道就不過不失，始終係大集團，所有食物嘅品質都唔會相差好遠，不過性價比唔成正比。啲汁仲多個飯，不如叫做蘑菇汁飯啦。如果唔係朋友想食，我都唔想等半個鐘為咗一碗飯。仲有要求婚嘅係服務態度，啲員工多數都係黑面，好恐怖，唔知係咪佢哋太忙呢！

上水終於有家鄉雞喇，需要跑到高層先食到囉。臨收工 5 分鐘趕到，險些兒無得吃空手而回。一人前六舊，腹肌好快變一舊，加操加操，等到一發不可收拾就遲喇！不停做運動，就是為了食更多好野！狂野燒雞上髀銷情慘淡，賣得不好，明顯地放段時間，外觀已乾鞋，入口就又硬又咸。最外層已焗到乾爭爭毫無光澤，幸好裡面還存有少量肉汁，質地微滑，強咸中釋放出甜甜地帶輕辣惹味。香辣脆雞上髀炸粉超級多，不像以以往薄薄香脆，雖似特別巨大，不過是粉不是肉呢。雞皮咸度極高，反而雞肉啖而無味，醃味留在外並未滲透其中。要皮肉同吃才能平衡一下味道，最終損得乾乾淨淨，一絲肉都不能留低，剛出爐脆嫩香滑多汁熱辣辣，蠻不錯的。

最近睇KFC Facebook，原來推出左新口味既雞，今晚太太無煮飯，我同太太同老爸一齊去KFC幫襯下。KFC都好多人排隊，夜晚7點但開得1個counter，等左10分鐘左右先到我！我們叫了一個三人餐，雖然出左新口味，但係價錢一樣，$131。新出的口味是XO醬脆雞，有兩件，其餘的都是家鄉雞，XO醬脆雞的外層好脆，炸到金黃色，面頭仲有啲紅色粉，感覺好似之前既避風塘雞既賣相。XO醬味濃，仲加有少許辣，這個味道充滿了整隻雞件的。葡撻焗得不是太燶，剛剛好，蛋味夠而濃，但甜度欠奉，多點甜會更好！

好耐都無食肯德基了, 今日放假做完facial, 知道附近有間, 就走去食下, 原先諗住食狂惹香燒雞, 以前最愛呢款, 今日見到餐牌, 有新野, 叫“甜蜜蜜脆雞”, 個餐有葡撻同磨菇飯, 加汽水, 幾啱口味, 加$2可以upgrade變芝士撻, 試埋佢個芝士撻先。炸至金黃色既外層, 賣相好吸引, 點知一食落口, 脆卜卜兼有蜜糖汁流出, 香甜鬆脆既雞皮, 加上嫩滑既雞肉, 真係好食到不得了, 真係無選錯。不過個芝士撻個餡略嫌乾身左D, 相比下, 唔夠葡撻好食。磨菇飯驚喜在用左珍珠米, 軟淋淋, 好好食。

特選牛乳新地脆筒雪白的軟雪糕，牛奶味，味道濃郁，但甜味較為重了一點軟雪糕質地頗滑溜，但稱不上很滑溜雪糕筒香脆，食到尾時，雪糕筒還是脆的，不會因為雪糕而弄淋了！

今朝女朋友收工唔知食咩好，最後去左KFC 食早餐。同女朋友叫左個多一點早餐，真係多一點難食一見到D 食物擺出黎既樣好似食剩既餸咁已經呆一呆，同M記差咁遠....個薯餅油到好似無隔過油咁，成碟都係油，腸仔係BOIL 左就算  個通粉又淡到喊.... , 慘過自己煮就係呢一隻成個餐得個蛋係同雞扒係正常，只可以講KFC 真係食雞，其他就....真係太難食，所以忍唔住要寫一寫....

想食反個下午茶就去左kfc食，有小食盒果d，但最後揀左雞皇飯，可以食飽d，略嫌d雞皇飯既汁五夠多，雞粒有小小辣，不過整體上幾好，又好食，同埋只係大約二十蚊倒，就食到飽一飽！真係好抵！