肚餓了串燒烤焗專門店 (已結業)

早前黎過串燒店食lunch覺得唔錯，烤焗野做得唔錯，呢次就試吓晚餐食串燒~點餐紙一目了然，分類清晰，另外仲有一本有相既menu！呢度好多串燒都係一客兩串，先點惹味燒雞肉串($39)，黎到既時候真係瞪左一吓眼，好大串吖!比起外面食既起碼多一倍分量，燒汁係自家制，幾香幾惹味~牛舌係食串燒必點，呢度厚切得黎更係大大粒，而唔係一片片。口感好好，煙煙韌韌，咬開仲有肉汁~ 肉汁香燒雞翼餃子 ($49)幾中意佢地既自家燒汁，好惹味但食完又唔會好口乾。去左骨既雞翼釀入明太子，滿滿的脹卜卜帶點明太子既辛口，令味覺更有層次！ 蒜蓉燒扇貝超級多蒜蓉，雖然都怕食完會有散不了既蒜蓉味，但仍忍唔住連大大粒既扇貝一齊食，好香!既然扇貝用左蒜蓉，焗蠔就試芝士吧!!  芝士面層焗到有脆邊好香，邪惡但美味 燒原條茄子都有兩種口味我哋就食咗蒜蓉，另一款係微辣肉碎。肥嘟嘟既造型睇落特別肥美!! 上面有炸蒜同埋生蒜特別香口～　夾起一絲絲出哂煙既茄子，感覺特別暖胃～極辣北海道原隻魷魚($69) 點既時候以為一隻，原來係有2隻，幾抵食！！夠哂香辣入味,燒得剛好唔會乾, 仲好軟滑~ 孜然粉羊肉串食羊肉當然要有少少羶味先正，加上有孜然