金田壽司刺身店 (已結業)

剪完頭髮，順手响元朗搵食開飯，時間未夠7pm，唔算好多人，等左一陣就有位，咁啱係靠牆坐既2人位，Very Good，唔駛响中間同人迫，不過好近廚房出菜位，所以好多人出出入入。八點八吋長壽司盛($98): 壽司怪啱晒，每樣一件可以試晒唔同款，三文魚、八爪魚、鱆紅魚、鰻魚、"魚立"魚、吞拿魚、劍魚腩、牛油魚，值得一讚係吞拿&劍魚，真係唔錯鰻魚壽司($20): 肉身夠厚，亦燒得好入味，正熟蝦($12): 普普通通帝皇蟹肉($12): 普普通通三文魚壽司($10): 三文魚果味唔得濃，好彩大件補數蟹籽沙律-小($28): 雖然係小，但都夠3個人食，不過若嫌唔夠沙律醬囉 ~鐵板魷魚鬚($30): 食剩少少先記得影相，煮得唔夠入味，麻麻地燒雞泡魚干($30): 又係食到一半先影，味道好好，佐酒一流，唔點沙律醬仲正，不過凍左之後會有少少硬見到好多人嗌火山卷，下次有機會試下先，不過元朗咁多間壽司店，逐間試有排都未駛返啅。