炊豕店 (威靈頓街) (已結業)

炊豕店，係一間專食豬扒嘅日式小店，出名大大件又惹味嘅豬扒，而且價錢平民，好難可以係中環一帶搵到價廉物美嘅餐廳。蔥油豬扒飯($60) 少飯-$1豬扒煎得金黃，真係非常大件同厚，一整塊豬扒已經鋪滿成個碗，咁厚仲以為會好韌，點知非常鬆軟。蔥油非常多，仲有咗少少薑粒。本身已經非常絲嫩嘅白飯撈埋蔥油一齊食，真係非常入味，令人食指大動。秘製豬扒飯配肉燥汁($56) 轉撈粗麵豬扒一樣，不過今次變咗肉燥底，肉燥汁預先撈咗係粗麵度，味道非常濃郁，肉燥粒有瘦肉同肥肉，口感一流，本身仲有啲擔心粗麵會太乾，點知非常爽滑，又冇簡水味。炸芝麻雞翼($28)，炸得非常脆口，芝麻味香濃。豆漿(跟餐+$10)因為餐廳只有20幾個位，所以繁忙時間可能要排隊，同埋有限用餐時間，但係都非常值得一試。