Chotto Maki (利源西街) (已結業)

依間位於中環嘅壽司卷物鋪叫Chotto Maki，Maki係日語，意思係將一條壽司切成一舊舊。可以堂食或者外賣，即叫即卷。卷物嘅話一共有11款，全部都係$68，更加驚喜嘅係，可以自制卷物，都只係$78，隔離有個冰櫃可以買飲品甜品，仲有刺身同埋簡約嘅壽司。一向冇咩創意嘅我，又驚會自制出地獄級壽司，所以決定試一下佢推薦嘅壽司。Chick Chick($68，4件)以照燒雞肉為主，配上黃瓜、牛油果、沙律菜等等。配料豐富，但又唔會搶哂主角嘅味道。Sea Monster($68，4件)，顧名思義就係有唔少海鮮，例如蟹肉、炸蝦天婦羅，灑上櫻花蝦，仲包住豆芽同埋青瓜。係海鮮迷嘅至愛，不過會有少少辣。Mango Dynamite($68，8件)，比起上面2款係細啲，不過料就一樣咁足，有炸蝦、飛魚卵同埋青瓜，由芒果包住。芒果酸酸甜甜，令到炸蝦冇咁dry。Philadelphia($68，8件)，見到好多人都食，於是都叫咗一份。牛油果超厚又香，同三文魚一齊非常有口感，芝士味都好重，估唔到依幾種食材會咁夾，超正。