台北茶坊 (已結業)

星期一呢日嚟到禾輋村商埸，辛苦完一日，又餓又攰當然想大食一番恰好想食台灣菜，當然選擇打住台式招牌的台北茶坊啦。一入到餐廳，門面四正，舒適度高，搵好位置就馬上看餐牌食物款式眾多，對於選擇困難嘅我的確喺一大挑戰淨喺小食已經好多，而且價錢相宜，點半份一嘗不同小食亦可，十分貼心。為咗滿足自己嘅慾望，我點咗大碗雞粒肉燥珍珠飯加上一份鹵水蛋豆腐。大碗飯果然貨真價實，大大碗都喺44$，有蛋有菜。雞粒唔會炸得太乾，肉燥所用的豬肉唔算太瘦。見到間餐廳極力推薦涮涮鍋，香辣三杯雞配上響鈴、玉子豆腐、台灣腸，仲有台灣面配生菜仲有自選配料區，自己味道自己揀飲品選了西洋菜蜜，味道唔錯。