海皇粥店 (粉嶺名都商場)

營業中

休息中

今日係粉嶺食早餐喉嚨有啲唔舒服，所以選擇去海皇粥店，食得清淡少少。環境都算乾淨，起碼無食物殘留係座位買完飛好快就有得食～一份叫左艇仔粥+蝦米腸粥嘅配料好豐富，不過整體味道真係好淡😅蝦米腸份量好多，每條腸粉都有好香嘅蝦米味，加埋甜醬就一流👍🏼👍🏼🤤另一份叫左菜乾排骨粥+炒米粉雖然碗粥較浠不過都有適量嘅排骨，唔錯唔錯至於炒米粉就稍為遜色米粉嘅軟硬唔均勻食起上黎口感不太好整體黎講都算滿意～每份早餐只係36蚊就食到勁飽😆枱面仲有幾種調味料供客人用👍🏼