肚餓了串燒烤焗專門店 (已結業)

今日約左朋友黎試下本地串燒店，可以傾吓偈慢慢食串燒。上到去唔會好似其他串燒鋪咁好大油煙，唔怕啲衫有味。平日都唔少人黎傾吓聚會，好彩有訂位。牆上面擺左好多本土啤酒，好特別下次想試下。人人都叫左大盤薯條🍟，我地都叫左盤蕃茄味，唔洗點醬都有味，真係食到停唔到口。蒜蓉原條大茄子🍆又係好大份，兩個人分好滿足，成口蒜茸牛油極邪惡。自家雞肉串加埋孜然黑椒好惹味。叫既海鮮都黎埋，又係一大盤既熱辣辣包蜆，揀既冬陰公汁就辣左少少，要抖涼少少先食到。焗蠔同樣大大隻，啲海水多到流晒出黎，加埋芝士忌廉creamy 又夠味。整體唔錯，食物比想像中大份；唯一唔好係坐高櫈有啲背脊硬。😂