Bingo & Cook (駱克駅) (已搬遷) 新店位置

星期一約左男朋友一齊食晚飯，我揀左食好耐無食既韓國菜。我地叫左半份蜂蜜黃油炸雞、炸魷魚勁道麵、鐵板秘製調味燉雞同2杯飲品。呢間食物份量全部都好大，而且好食，對得住個價錢。蜂蜜黃油炸雞半份都好大份，皆因炸雞超級大件，啖啖肉。炸皮好香脆，雞肉嫩滑，好出色。炸魷魚勁道麵賣相好得，食落都好鬆脆可口。勁道麵麵質Q 彈，好掛到辣辣地既湯汁，好惹味。鐵板秘製調味燉雞一大盤上碟，除左有嫩滑既燉雞，仲有粉皮、年糕、薯仔片、紅蘿蔔、菇等，十分豐盛。醬汁帶甜，所有材料入晒味，好食。飲品叫左乳酪奶昔同柚子米酒。乳酪奶昔好濃乳酪味，好似飲緊乳酪雪糕甘，正。柚子米酒兩者撈埋一齊飲一啲都唔違和，幾夾。