開花結果 (榮吉工業大廈) (裝修中)

終於到左放lunch時間琴日同事想去食開花結果但因為大家都想食另一間冇去到咁今日就食番開花結果我地一行7人 一點半到去到等左大概5分鐘先有位咁我就揀左個碎蛋牛角包 配吞拿魚粟米沙律 再加個煙肉薯仔 飲熱檸水大家吹下水等左一陣就已經上枱了黎到嘅時候我發現係～超～大～碟～我終於明點解我同事係唔叫兩個沙律 而係叫一個沙律+生果先講下碎蛋牛角包本身我就鍾意食呢兩樣野 所以覺得好好食 碎蛋好多 不過個包唔夠脆至於吞拿魚粟米沙律係好食不過好膩 太多醬個煙肉薯仔好正😋一流呀