餃掂手工餃子雲吞專門店

今日午餐想食清淡啲，去左食手工麵。試左個新出嘅白雞湯小棠菜麵。麵條係粗條，有啲似biang biang 麵。整體菜、雞肉、麵嘅份量都比較大，平日午餐都清碟嘅我，都食唔晒。湯底香甜，見到餐牌寫佢落咗淡奶，以為味道會好奇怪，最終出乎意料地好飲，即使食唔晒面，我都飲晒啲湯。環境方面，枱同枱之間距離比較窄，走動唔方便。清潔方面，調味料隨便搵個膠蓋冚唔住。另外可能係午餐時間嘅關係，姐姐清潔得好快，基本上一食完碗麵就要走。