グリル滿天星

營業中

休息中

係海港城既日子，緊係要食好西啦。呢間過江龍聽左好耐，而且每次都大排長龍又冇得book位，今日lunch，即刻衝過去拎位，都要等左成9個字。滿天星肉汁漢堡扒蛋包飯漢堡扒軟棉棉，一d都唔硬唔乾。肉汁係酸酸地。蛋好香蛋香，單食會少少咸，要配飯食，有少少蓋過左入面蕃茄飯既味道。日式咖喱吉列豬蛋包飯同事叫呢份咖喱飯，吉列豬外脆內軟，好多汁，加埋好香既咖喱，令味道非常有層次。同事係個飯越挖越有驚喜，有唔同既配料，青豆、蝦仁、紅蘿蔔、香菇，最特別係有提子乾，令個飯酸甜酸甜，非常特別。食到最後，先發現蛋包飯既飯係咖喱飯，唔係蕃茄飯。吉列廣島蠔我地眼闊肚窄，點左份小食。蠔好大隻，外脆內多汁，加買佢既酸瓜醬，令個蠔非常之清新，唔會太油膩。加埋薯仔沙律，清爽既口感，解膩又清新。飯既份量係幾大，我同我同事都食唔晒，下次可以share黎食，再叫下其他唔同小食或者甜品。整體來講，係有少少貴，但去唔到日本，食完當去左架啦。佢既梳乎厘要2:30pm後提供，所以有少少失望。