明朝人氣甜品店 (已結業)

由於男朋友非常鐘意食明朝的糖水，所以二話不說就去。呢度既甜品價錢比較貴，一般都係三十幾蚊既價位，呢個價錢喺深水埗可以食到餐飯啦。今次我地揀左香蕉船($36)，可以自選三球雪糕，於是揀左雲呢拿、芒果同朱古力。三個雪糕當中朱古力味係最好食，夠濃，又夠滑。芒果都唔錯，中間仲有罐頭果肉，雖然假假地，但叫做有啲野咬下，都唔錯。但雲呢拿唔係好掂，雖然食得出有雲呢拿油味，但係竟然咬落好似冰碎同唔夠滑。製作唔夠standardise喎。香蕉當然唔會咁著數俾兩條你，只係一條切一半，不過有三球雪糕都食到你飽。面頭有朱古力碎同朱古力醬絕對係幫個賣相加分！其實明朝仲有好多特式糖水，會努力試其他特別的。