影片
更多
2018-04-30
60 瀏覽
今晚同d 朋友見面，想坐得舒服又唔嘈，就入左呢間餐廳。我地揀左卡位坐底，店員都好好笑容，同遞左份餐牌比我地。好多野食揀，有飯，有意粉，有漢堡，有pizza，有豬手，仲有唔同既飲品。轉餐既話，加$15蚊就有湯，面包同野飲。我嗌左焗龍利柳飯，朋友嗌左帶子燴飯同安格斯漢堡。呢個南瓜忌廉湯，幾好飲，唔太結身，又唔咸。個牛角包好足料，裡面唔會係空心，但外面唔夠脆。店員仲提醒問我要唔要多汁，好體貼呀。好多白汁既龍利柳焗飯到左，好足料，龍利柳幾大塊，d 飯仲好多，一定夠飽，結果我最後係食唔晒，哈哈。朋友話呢個帶子燴飯都幾好味，但食到尾就覺得個汁偏咸左少少，但都算唔錯。另一個朋友嗌左呢個安格斯漢堡，個漢堡大過隻杯呀，好誇張，哈哈。朋友話，個包幾軟身，但塊牛唔夠味，如果加d d 汁會好好多，同冇咁乾身咁囉。但大致上都唔錯既。不過佢都係一樣食唔晒。如果細食既朋友，建議可以嗌d 餐share 食，咁就唔怕會太飽或者食唔晒。嗌野飲個時，我嗌左荔枝特飲，朋友佢地就嗌左阿華田脆脆(聽落個名幾特別)。店員好細心問我地要唔要少冰。真係再次因為佢既服務加分。哈哈我既荔枝特飲，正常冇咩特別，唔算太甜。朋友既華田脆脆，幾特
我地揀左卡位坐底，店員都好好笑容，同遞左份餐牌比我地。
好多野食揀，有飯，有意粉，有漢堡，有pizza，有豬手，仲有唔同既飲品。轉餐既話，加$15蚊就有湯，面包同野飲。
我嗌左焗龍利柳飯，朋友嗌左帶子燴飯同安格斯漢堡。
呢個南瓜忌廉湯，幾好飲，唔太結身，又唔咸。
個牛角包好足料，裡面唔會係空心，但外面唔夠脆。
店員仲提醒問我要唔要多汁，好體貼呀。
好多白汁既龍利柳焗飯到左，好足料，龍利柳幾大塊，d 飯仲好多，一定夠飽，結果我最後係食唔晒，哈哈。
朋友話呢個帶子燴飯都幾好味，但食到尾就覺得個汁偏咸左少少，但都算唔錯。
另一個朋友嗌左呢個安格斯漢堡，個漢堡大過隻杯呀，好誇張，哈哈。
朋友話，個包幾軟身，但塊牛唔夠味，如果加d d 汁會好好多，同冇咁乾身咁囉。但大致上都唔錯既。不過佢都係一樣食唔晒。
如果細食既朋友，建議可以嗌d 餐share 食，咁就唔怕會太飽或者食唔晒。
嗌野飲個時，我嗌左荔枝特飲，朋友佢地就嗌左阿華田脆脆(聽落個名幾特別)。店員好細心問我地要唔要少冰。真係再次因為佢既服務加分。哈哈
我既荔枝特飲，正常冇咩特別，唔算太甜。
朋友既華田脆脆，幾特別，但華田既味唔算太重，如果多d 華田味會更好。
今次呢個晚餐，幾抵食，每人100蚊左右，唔算太貴，又食到好飽，同埋服務好好。下次黎，想再試下佢個豬手。哈哈。
張貼
