渝薌烤魚

營業中

休息中

九龍城除咗食泰國菜之外，食烤魚都唔錯，而且依度最平199就可以食到烤魚，仲免費包$28嘅一款配菜。不過我哋今次想食份量多啲，所以我哋叫咗烤魚蒜香味大半條烤魚，另外再加多兩款配菜。佢嘅蒜香味十足，不過條魚要煮多一陣先至會入味。而佢每一款配菜嘅份量都頗大，份量十足，所以食得晒先好叫。除咗烤魚之外，佢啲小食都好好食，例如佢嘅串燒，燒白鱔，佢嘅白鱔超級彈牙惹味，一定要試吓。另外佢嘅芥末蠔仔都幾正，有超級多嘅蠔肉，而且配埋Wasabi之後，意外又幾夾，蠔仔除咗Wasabi之外仲可以揀麻辣味，如果有如果鍾意食辣嘅話可以試吓。