越南米紙 (已結業)

响超市買完嘢，覺得有點餓，於是再次來到這間越南餐廳，補充下體力。記得上次來到，都要响門口等位，不過今次可能來得比較早，人未係好多，於是好開心咁揀咗個舒服點的位置坐下，而職員也很有禮貌招待。順化香茅豬扒撈檬撈檬食落涼涼地很爽口，豬扒很厚身，而骨又不多，表面有少少焦，味道香濃。安南炸春卷撈檬還配有一碟炸春卷，米紙皮薄薄的，而且脆卜卜。裡面的蝦啖啖肉，非常有口感。焗芝士蕃茄豬扒麵包盅伴牛油金磚及白飯牛油金磚超大個，只是一打開頂蓋，蕃茄味已經飄出來。先撈勻裡面的蕃茄、芝士和豬扒，豬扒連芝士一齊食，肉質多添幾分滑溜，加埋豬扒索咗不少蕃茄味，非常開胃，用來餸飯真係啱啱好。黑糖薑母茶以為只是一杯茶的大小，怎料是玻璃茶壺煲著。除了黑糖和薑母，茶隔仲放咗紅棗一起泡，暖暖的既養生又補血，真係無諗到越式餐廳會飲得到，確實是女士必飲。藍花皇家伯爵茶同樣地伯爵茶都是一邊加熱一邊享用的，味道清新帶點甘香。