La Postre (已結業)

嗰日約咗朋友食飯傾下計，想搵個好地方，最後決定去銅鑼灣嘅La Postre。餐廳位於銅鑼灣耀華街百樂中心。晚上7點左右, 人數不算多, 餐廳燈光柔和，設有卡位同埋一間房。蜜瓜黑毛豬(24個月），黑毛豬咸味恰到好處，蜜瓜又甜又多汁，兩種味道十分配合。西班牙豬手，起哂骨十方細心，豬手皮十分香脆，肉質嫩滑，醬味道特別，加上蜜糖味道更加突出。紅酒無花果芝士蛋糕，無花果果味中帶出酒香，芝士蛋糕口感結實，入口香滑。抹茶拿鐵，綠茶味香濃。荔枝莫希托，甜度適中，非常清新。