任你點車仔麵 (已結業)

深水埗係一個美食天堂，相對競爭力都比較大既一個個地方，要係呢個地方有一個立足之地，少啲功力都唔得。早兩日去落左深水埗整車，朋友介紹左呢間車仔麵。我心諗深水埗呢類餐廳冇十間都有八間，有咩好介紹呢？我倆一齊入左呢間餐廳坐低。一睇餐牌，比入面打左個突，呢個價錢係呢個地方算係貴，仲要係車仔麵!咁算啦唔黎都黎左，我就叫左個三餸河粉，包括有咖哩魷魚、生菜同埋肥牛，諗住穩穩陣陣無死啦，碗粉一上到枱，我就明白點解收呢個價，因為實左大碗，我冇食早餐都食唔曬，我最欣賞佢既咖喱魷魚，因為比我一種好地道港式車仔麵回憶，十分唔錯。