廚十三老壇酸菜魚 (D2 Place ONE) (已結業)

兩個人收工食晚飯，去咗廚十三食酸菜魚，酸菜魚份量有分3種：土豪份適合4人$598，大份適合3人$478，小份適合2人$338。我地就叫咗個二人份量。再叫多咗份麻辣豬耳仔$88同雨露均沾$58酸菜魚份量好多，魚肉有10幾片，魚肉好滑無骨，仲有少量金菇，薯粉，蓮藕片兩個人基本上夠食。湯底酸辣好惹味會聽唔住飲多幾啖湯。麻辣豬耳88蚊份量多好抵食，係比較辣咗啲，豬耳軟骨唔會太硬，易入口容易消化。雨露均沾就即係糍粑，口感軟糯，但記得趁熱食。