影片
更多
2019-11-01
164 瀏覽
終於捱到星期六了，可以訓到晏一晏先出去食嘢🙈。下晝三點幾出到銅鑼灣，好耐無食過炸雞，所以專登搵間未食過嘅去試下。餐廳樓面面積唔算大，枱櫈之間嘅間距比較近。咁啱呢個時段唔算多人，一去到就有位。店員好多都唔係講廣東話，但都好nice嘅。🍗嚟到都係為咗食雞🐔，叫咗蜂蜜黃油炸雞🍯(半份)($118)，另加咗($40)追加魷魚🦑。嚟到發現份量咁多嘅！魷魚係原隻上㗎，勁大隻，仲比埋鉸剪同鉗我哋剪開一個個魷魚圈同一條條鬚👍。炸到好脆，唔膩，出面嘅味粉甜甜地，估唔到有少許辣味添，最抵讚係雞肉仲好juicy。半份炸雞有咁多(7-8件)真係好抵食，而魷魚亦係必定追加。另外叫咗菜乾土豆湯($180)，香港就唔係度度有得食，呢到竟然有就試下。用傳統嘅gas爐上個鍋🍲，面頭有堆大醬同粉絲，下低就有好多菜乾同排骨，店員等個鍋熱啲就會嚟幫我哋撈👩🏻🍳。味道就比較濃，不過原來唔辣的，菜乾可能係醃菜，齋食會有啲鹹，所以我主要都係食排骨，排骨有好多肉，好味，啱配飯。🥔薯仔方面，而家係半隻上，如果改用薯仔片會易食啲同更入味。太食積上身，我哋仲叫咗個薯仔煎餅($100)，因為落單時唔知樣樣份量都咁多。煎餅可以分開成16格咁
餐廳樓面面積唔算大，枱櫈之間嘅間距比較近。咁啱呢個時段唔算多人，一去到就有位。店員好多都唔係講廣東話，但都好nice嘅。
🍗嚟到都係為咗食雞🐔，叫咗蜂蜜黃油炸雞🍯(半份)($118)，另加咗($40)追加魷魚🦑。嚟到發現份量咁多嘅！魷魚係原隻上㗎，勁大隻，仲比埋鉸剪同鉗我哋剪開一個個魷魚圈同一條條鬚👍。炸到好脆，唔膩，出面嘅味粉甜甜地，估唔到有少許辣味添，最抵讚係雞肉仲好juicy。半份炸雞有咁多(7-8件)真係好抵食，而魷魚亦係必定追加。
蜂蜜黃油炸雞
$118
15 瀏覽
0 讚好
0 留言
另外叫咗菜乾土豆湯($180)，香港就唔係度度有得食，呢到竟然有就試下。用傳統嘅gas爐上個鍋🍲，面頭有堆大醬同粉絲，下低就有好多菜乾同排骨，店員等個鍋熱啲就會嚟幫我哋撈👩🏻🍳。味道就比較濃，不過原來唔辣的，菜乾可能係醃菜，齋食會有啲鹹，所以我主要都係食排骨，排骨有好多肉，好味，啱配飯。🥔薯仔方面，而家係半隻上，如果改用薯仔片會易食啲同更入味。
太食積上身，我哋仲叫咗個薯仔煎餅($100)，因為落單時唔知樣樣份量都咁多。煎餅可以分開成16格咁多，個口感比想像中鬆，唔會太實。薯絲好爽，夾啲洋蔥煎得香口，但本身無乜味道🙈，一定要點佢個醬食。
飲料就叫咗Oreo奶昔🥤($58)，不過覺得有少少圖文不符，因為以為係一樽上，點知係用杯裝哈哈。但講返味道，係唔錯嘅，幾啱搭配炸物。
總括嚟講，呢間韓食店係有驚喜嘅，特別係份炸雞加魷魚，好味又抵食😋，推介。其他食物都ok，普遍性價比高，喺銅鑼灣區喎！我相信我同個朋友2個人叫嘅份量可能都夠4人食哈哈。如果想食炸雞，呢間回頭率高。
張貼
