影片
更多
2022-12-01
483 瀏覽
好耐無食過韓國菜，突然好想食韓式湯飯，同事無異議，就齊齊去左呢度食午市套餐。呢度嘅午餐，其實以工廈嚟講唔算十分划算，但勝在選擇多，午餐都有3,40款選擇。好彩我只特別鍾意食辣豆腐湯，如果唔係，有咁多款選擇真係好難揀。辣豆腐海鮮湯($80)用傳統韓式鍋盛載，感覺特別有風味。湯唔算濃味，亦唔算辣，易入口，啱晒我。豆腐非常軟滑，口感唔錯，如果有更濃豆香就更好。海鮮包括幾隻蜆，無沙、鮮味，但略嫌細粒。整體味道算普通，唔難食。跟豆腐湯會配大碗白飯，湯又大大鍋，大食者都應該夠飽。跟餐仲可以免費配汽水，如果想再韓式d，加小小錢($5-$10)可轉其他韓式飲品，例如梨汁、忌廉鮮奶。每個入座客人都有韓式泡菜小碟，可能我地今日人多，今日有7小碟，每碟都唔同，仲有蛋餅同腐皮。泡菜醃得夠味，酸辣度適中。除價位稍稍偏高外，整體OK，特別讚係份量足，女同事們都食唔晒一個set。
呢度嘅午餐，其實以工廈嚟講唔算十分划算，但勝在選擇多，午餐都有3,40款選擇。
好彩我只特別鍾意食辣豆腐湯，如果唔係，有咁多款選擇真係好難揀。
辣豆腐海鮮湯($80)
用傳統韓式鍋盛載，感覺特別有風味。湯唔算濃味，亦唔算辣，易入口，啱晒我。豆腐非常軟滑，口感唔錯，如果有更濃豆香就更好。海鮮包括幾隻蜆，無沙、鮮味，但略嫌細粒。整體味道算普通，唔難食。
跟豆腐湯會配大碗白飯，湯又大大鍋，大食者都應該夠飽。跟餐仲可以免費配汽水，如果想再韓式d，加小小錢($5-$10)可轉其他韓式飲品，例如梨汁、忌廉鮮奶。
每個入座客人都有韓式泡菜小碟，可能我地今日人多，今日有7小碟，每碟都唔同，仲有蛋餅同腐皮。泡菜醃得夠味，酸辣度適中。
除價位稍稍偏高外，整體OK，特別讚係份量足，女同事們都食唔晒一個set。
張貼
