梨泰院 (愉景新城) (已結業)

呢日同朋友嚟到愉景新城，見到呢間韓國餐廳滿哂場，裝修好有格調，所以就入咗嚟試吓。菜式選擇都唔少，我地兩個人叫咗生菜包豬肉，炸雞同牛肉紫菜包飯，嘢飲方面呢間餐廳晚市都有跟餐價，真係抵讚。同其他韓國餐廳一樣，一嚟會上咗啲小菜，個泡菜幾有驚喜，會食得出鯷魚浸海鮮鹹香味。韓國生菜包豬肉（$188）呢個一上到嚟見到脂肪嘅比例都幾過，睇落有啲嚇親，但食落真係完全值個卡路里，一入口舊肉好肉融化咗咁，但有啲生菜成件事又唔會好油膩，值得推介。蜂蜜柚子炸雞（半份$86）唔好睇佢紅卜卜咁同柚子扯唔上關係，一入口嗰吓真係有柚子清香，雖然話辣但其實唔算，雞肉食落都唔難口。烤牛肉紫菜包飯（$68）好耐冇食過紫菜包飯，呢個可以解一下個心癮，個飯卷好足料，食落一口滿足。另外跟餐叫咗兩杯梳打，飲落好清爽，唔會好甜。