兄弟幫食堂 (已結業)

下午途經旺角，煩惱左好耐邊到有d可以走飯之後但飽肚，又抵食的餐廳（減肥人士寧舍多要求😝）諗起兄弟幫食堂，之前食過印象中份量麵好大，就決定食佢喇！果然冇令我失望😍😍😍我一個人叫了 ：｜全日常餐 - 雞扒 炒滑蛋 （走麵走多士）$48｜（Rate: 9/10)一心以為得兩樣野，食完都只會係5成飽，點知食完足足有8、9成飽，全個餐食哂仲得了既😂痴線 塊雞扒同滑蛋都大過我塊面🤣雞扒好厚肉，仲要外脆內嫩，不得了滑蛋唔係全熟，仲有d蛋汁，睇佢個份量都有兩隻蛋呀起碼！佢配上既蘑菇黑椒汁都好出色，似係自己調配既。入面有洋蔥都蘑菇粒，好香蘑菇味，甜甜地，加上黑椒辣味，好味😋（有d似kfc既蘑菇汁，但好食好多haha)加埋野飲都係$48！咁大份又好食，不得了。我見到隔離食既蝦膠肉餅，又係大塊到呆左，下次要再食其他野🤩埋單發現原來keep單 7日內食晚市可以有95折😇 問過店員仲有此優惠喔！