影片
更多
2023-02-07
833 瀏覽
💁♀️💁♂️3/2/2023(Fri), Dinner🍽今晚為食妙妙同A先生又返到大埔主場搵食，去到近太和既果子食東南亞菜，店家主打新加坡🇸🇬同馬來西亞🇲🇾既菜式，選擇都幾多。而今晚我地order咗：🔆 辣蟹醬火山包（配軟殼蟹🦀）（$168）大堆頭之作，店方先烘脆原個農夫包，再將中間挖空用來放食材。呢個配軟殼蟹🦀既版本就當然有隻軟殼蟹🦀啦，仲有大蝦🦐三隻、青口三隻同埋不少既蜆。海鮮上面已經有少少既辣蟹醬，店方會另外上多一碗辣蟹醬俾你點麵包或者淋上海鮮食，咁做就唔怕太多醬整淋個包。個新加坡🇸🇬辣蟹醬辣得來帶點酸甜，配合大量蛋花，味道惹味開胃，用嚟點烘得脆脆既農夫包，記得唔好一次過點太多醬，否則整淋咗個包就失去咗脆口既口感。原隻炸軟殼蟹🦀都幾大隻，放上農夫包既最面層，軟殼蟹炸得鬆化，沒有多餘既油份。下面既大蝦都新鮮彈牙，三大隻絕不失禮。另外三隻青口都一樣唔細隻，食落無渣。伴碟既蜆都肉厚飽滿，配合辣蟹醬都好好食。🔆 帆立貝海鮮喇沙摻摻（$88）喇沙湯底椰香味濃，微辣香口，配合油麵加米粉即係摻摻，雙重口感令人一口接一口咁食。帆立貝有三隻，再加上豆卜、芽菜、魚片、蜆同埋半隻雞蛋做配料，份量絕對足
💁♀️💁♂️3/2/2023(Fri), Dinner🍽
今晚為食妙妙同A先生又返到大埔主場搵食，去到近太和既果子食東南亞菜，店家主打新加坡🇸🇬同馬來西亞🇲🇾既菜式，選擇都幾多。
而今晚我地order咗：
🔆 辣蟹醬火山包（配軟殼蟹🦀）（$168）
大堆頭之作，店方先烘脆原個農夫包，再將中間挖空用來放食材。呢個配軟殼蟹🦀既版本就當然有隻軟殼蟹🦀啦，仲有大蝦🦐三隻、青口三隻同埋不少既蜆。海鮮上面已經有少少既辣蟹醬，店方會另外上多一碗辣蟹醬俾你點麵包或者淋上海鮮食，咁做就唔怕太多醬整淋個包。
個新加坡🇸🇬辣蟹醬辣得來帶點酸甜，配合大量蛋花，味道惹味開胃，用嚟點烘得脆脆既農夫包，記得唔好一次過點太多醬，否則整淋咗個包就失去咗脆口既口感。
原隻炸軟殼蟹🦀都幾大隻，放上農夫包既最面層，軟殼蟹炸得鬆化，沒有多餘既油份。下面既大蝦都新鮮彈牙，三大隻絕不失禮。另外三隻青口都一樣唔細隻，食落無渣。伴碟既蜆都肉厚飽滿，配合辣蟹醬都好好食。
🔆 帆立貝海鮮喇沙摻摻（$88）
喇沙湯底椰香味濃，微辣香口，配合油麵加米粉即係摻摻，雙重口感令人一口接一口咁食。帆立貝有三隻，再加上豆卜、芽菜、魚片、蜆同埋半隻雞蛋做配料，份量絕對足夠。湯底飲落順喉舒服，味道唔會過濃，即使飲咗唔少都唔會口渴。
🔆 馬來西亞🇲🇾肉骨茶（$88）
呢度既肉骨茶係馬來西亞🇲🇾風味，即係偏向藥材味道。上枱時有個火爐仔暖住鍋肉骨茶，咁就擺得耐會涼咗。配料有幾件豬軟骨、一隻雞蛋🥚、豆卜、枝竹、金菇同油炸鬼，仲有辣椒🌶️粒同埋醬油俾你調味。
肉骨茶既湯色啡得來清澈，入口醇厚有藥材味但唔會過濃，天氣凍凍地咁飲返啖都幾暖身。豬軟骨肉既軟骨部份咬落脆口，點一點醬油食味道更妙，豆卜同油炸鬼吸咗湯汁之後又係好吸引。
🔆 凍紅豆奶茶（跟餐+$10）
紅豆🫘奶茶用上台式奶茶茶底，茶味唔會好濃，加埋甜甜既紅豆啱啱好。
🔆 細象啤（$15）
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻 坐得都幾舒服，唔會坐到好迫
🔆🔆🔆🔆🔆🔆🔆🔆🔆🔆🔆🔆🔆
張貼
