鮮蒲 (已結業)

紅磡區有好幾個地點都集中咗唔同種類嘅餐廳，大把選擇。哩條街啲餐廳好有風格，落一兩級樓梯，自成一角。見到全港首創咁厲害，就比個機會啦。一坐低就先點咗兩個招牌。第一個錫紙貝殼粉絲，造型上枱夠晒搶眼，以為得個外表大？打開幾乎滿瀉，先聞到浸清香嘅湯，湯底原來加咗茶樹菇，唔怪得咁清新。之後就梗係立即找底部啲清甜沙白嚟食。湖南米粉似米線，但更爽口。跟餐嘅手拍青瓜，醬香入味。另外點的招牌醉雞翼，肉質彈牙，淡淡酒香。另外一個招牌，麻辣炒手，麻同辣都有得揀。最後嘅大腸熱伴麵，香濃惹味。