龍鳳冰室 (已結業)

中午放飯同同事嚟呢間龍鳳冰室。同事話呢到食得過，我地五個人就行咗入去食飯。由於呢到多上班族，基本上到放飯時間就到到都咁多人。今次都等咗成10分鐘先有枱。入到去坐低，見到都唔少明星嚟幫襯過，不過再出名既餐廳，如果食物質素差，就真係唔抵再幫襯。反而呢間冰室既食物都真係有番咁上下好味。因為我叫咗一碟炭燒肉鬆雞扒飯，個雞扒真係好大塊，面頭搽上薄薄一層蜜糖，直頭好似自己bbq燒既雞扒一樣。而且加上肉鬆喺面，果陣童年回憶用肉鬆撈飯既感覺番哂嚟。58蚊既餐加埋杯熱飲，都算係抵食。