影片
更多
2023-09-11
532 瀏覽
約咗個好耐冇見嘅朋友聚舊，大家都想搵間可以坐低慢慢傾下偈嘅餐廳，友人推介呢間位於石塘咀嘅「巴辣仔烤魚」，一於試試。聽朋友講，餐廳係由成都名廚主理，主打正宗四川烤魚，喺港九新界都有分店，如果唔想等位，只需要預先 Whatsapp 訂檯，去到就有得食。原來呢間西環分店只係開咗幾個月，唔怪之得裝修咁新淨，而且店內有唔少搶眼打卡位，啱晒同朋友嚟影相呃 like。翻閱餐牌，有三款魚同七款口味可供選擇，分別有沙巴龍躉、江團魚同凌波魚。今次揀咗沙巴龍躉配不辣之選醬香味 ($378)。龍躉大大條，肉質好肥美，魚皮爽彈，魚肉新鮮，煎過後仍然保持軟嫩口感，加上醬香嘅味道非常突出，鹹鮮帶甜，超惹味。配菜方面，加咗份黃金組合 ($38) 同 薯粉 ($20)。黃金組合有金菇、萵筍、土豆和蓮藕，全部都好新鮮爽口，吸收晒個湯底嘅精華；薯粉滑溜煙韌、好掛湯！另外仲點咗幾款燒烤同小串。鐵板燒茄子 ($38)，茄子用鐵板上，份量十足，食落質感軟綿綿，蒜味非常濃郁，香而不膩。麵包 ($28/2串) 甜甜地，底面都燒到脆卜卜，配上黑白芝麻，好香口。魷魚鬚小串 ($32) 辛香微辣，味道鮮美，口感彈牙。菠蘿 ($32)
約咗個好耐冇見嘅朋友聚舊，大家都想搵間可以坐低慢慢傾下偈嘅餐廳，友人推介呢間位於石塘咀嘅「巴辣仔烤魚」，一於試試。
聽朋友講，餐廳係由成都名廚主理，主打正宗四川烤魚，喺港九新界都有分店，如果唔想等位，只需要預先 Whatsapp 訂檯，去到就有得食。
原來呢間西環分店只係開咗幾個月，唔怪之得裝修咁新淨，而且店內有唔少搶眼打卡位，啱晒同朋友嚟影相呃 like。
翻閱餐牌，有三款魚同七款口味可供選擇，分別有沙巴龍躉、江團魚同凌波魚。今次揀咗沙巴龍躉配不辣之選醬香味 ($378)。
龍躉大大條，肉質好肥美，魚皮爽彈，魚肉新鮮，煎過後仍然保持軟嫩口感，加上醬香嘅味道非常突出，鹹鮮帶甜，超惹味。
配菜方面，加咗份黃金組合 ($38) 同 薯粉 ($20)。黃金組合有金菇、萵筍、土豆和蓮藕，全部都好新鮮爽口，吸收晒個湯底嘅精華；薯粉滑溜煙韌、好掛湯！
另外仲點咗幾款燒烤同小串。鐵板燒茄子 ($38)，茄子用鐵板上，份量十足，食落質感軟綿綿，蒜味非常濃郁，香而不膩。
麵包 ($28/2串) 甜甜地，底面都燒到脆卜卜，配上黑白芝麻，好香口。魷魚鬚小串 ($32) 辛香微辣，味道鮮美，口感彈牙。
菠蘿 ($32) 燒過後仍保留豐富水份，加上面層薄薄嘅焦糖，外脆內軟，酸甜多汁，無得彈！ 
另外餐廳有個自助小料區，有免費菊花茶同冰粉供應，冰粉嘅配料有葵花籽、紅豆、山楂、椰果、爆珠等，加上紅糖和花生碎，入口清甜透心涼。
意猶未盡，點多客鴛鴦糍粑 ($38) 食落煙韌唔痴牙，為晚餐完美作結。
張貼
