汀汀烤活魚 (已結業)

今日約埋朋友專程嚟到旺角食烤魚，入到這間餐廳環境裝修很有格調，而且仲有卡拉OK房間給客人一邊食飯一邊唱歌🎤餐牌上除了烤魚有雞煲和酸菜魚選擇，火鍋配料都有二三十款仲有小食。首創烤荀殼魚鍋（BB辣）上枱時賣相已經好吸引，辣度可以按照個人喜好選擇，魚是預先煎過所以見到外皮微焦香脆，肉質嫩滑而且不會太多骨，啖啖肉😋鍋裏面仲有豬皮及豆卜吸入湯底好好食！鬼馬墨魚膠（小食）熱辣辣即叫即整，油炸鬼香脆，墨魚爽口，再配埋甜酸醬一齊食，口感一流。鮮蝦雲吞/特級台灣貢丸雲吞皮薄蝦肉彈牙，貢丸會食到一粒粒的冬菇粒，咬落多汁。最後飲埋杯加多寶同椰青水，解膩一流👍