三河屋 (已結業)

呢間餐廳既位置其實都有少少遠，因為其實完全唔近港鐵站，所以其實如果唔係專登黎，我平時都唔會有咩可能經過呢到。今日突登黎呢間餐廳食飯，發現都幾多人係到等。入面既裝修其實好港式，但食既野就係日本野，感覺有d奇妙。專程黎呢到，點都要試下佢個出名既鰻魚飯啦。首先佢會上個麵豉湯先，一試，嘩真係好咸。。完全唔飲唔到落去等左一陣，個鰻魚飯就送到黎。睇落個賣相其實冇咩特別，但條鰻魚真係好大條，唔係切幾塊細既扮下野就算，而係半條就咁鋪左係個飯上面。食落都好香，幾厚身，口感味道都唔錯不過個飯個汁就唔係太夠，如果可以多少少汁就好啦！