好媽媽台灣館 (已結業)

久久未食過台灣菜,同朋友去太子食間幾多好評既台式餐廳不過就好失望…啲位好鬼迫我同朋友本身拎住勁多野, 但個侍應仲要安排我地坐最迫既位有大枱都唔會換比我地 叫左個滷肉飯滷肉飯本身就係台灣菜中必點啦諗住唔會好伏一黎到眼都突埋, 得果2 3 粒肉燥賣相超唔掂食落都係好淡咁….而且D飯好濕, 無咩口感可言同台灣以前食果D相差得太遠 之後叫左鹽水雞D雞肉又係好嚡口, 明明見佢寫係牆既介紹係特別台灣入口但食落去雞肉太瘦, 一啲鹹味都冇差唔多收成八十蚊好唔扺呀! 最搞笑係啲侍應態度係幾nice既, 咁我同朋友就問佢有咩推介佢話冇咩好推介… 因為佢都覺得麻麻地