忠輝燒鵝專門店

營業中

休息中

懶得煮野食的下午，落街買個飯盒算了，去了街頭的新忠輝，午市同晚市都大排長龍㗎。不過是日三點黎到，就好好彩唔使排，一埋去就有得買。要了一會四寶飯配例湯，都係35蚊咋，平到咁好抵食呀。四寶飯啲餸滿晒㗎，仲有熱辣辣例湯。豬骨紅蘿蔔湯，好濃郁嘅豬味，湯頭好甜，夠熱好好飲，仲有大大舊豬骨係入面，煲過湯都無鞋喎，哈哈食埋佢先。四寶而加得返燒鴨四寶，乳豬無做了，燒鴨一樣咁正吖。紅腸有玫瑰露味無死鹹。滷水雞翼好入味，甜甜嘅滷水汁正喎。燒鴨有驚喜，無渣無羶味，皮脆肉嫩仲要唔過肥，好味喎。鹹蛋正正常常，白飯軟硬適中，粒粒米幾對胃，再加上薑蓉真係唔講得笑，大大盒都可以食完無難度。