芋圓一 (已結業)

行完山想食個甜品，星期六下午四點全場爆滿，一方面戥小店開心，一方面覺得政苦無謂，六點禁堂食唔知扼殺咗幾多小店生存機會。黑糖薑汁芋圓湯圓 $38糖水大大碗，一個人要食晒一碗有難度。薑汁香濃唔太甜，有齊蕃薯、紫薯、芋頭，當中以芋頭味最為突出，不過質感略嫌未夠咬口，未係我心中最出色嘅口感。整體不俗，但份量多又不想浪費，食到最後好飽滯，如果平返幾蚊細碗少少會更舒服。沿路途經唔少舖頭都關門大吉，希望同路人頂得住，一齊捱過去。