影片
更多
2020-10-10
781 瀏覽
窮學生好鍾意食嫩雞煨麵，但唔係間間都整得好食。試過食過有啲係整到好似自己屋企求其煮個麵咁，不如唔好去食。暫時喺香港食過覺得好好食嘅嫩雞煨麵係喺黃埔同美孚都有分店嘅滄浪亭，同埋喺黃埔嘅三毛麵館，不過每次都係買takeaway。今日特登搭去美孚堂食滄浪亭，估唔到兩點半去到都仲係咁多人，等左幾張檯先有得入去食。嫩雞煨麵 $50食開嫩雞煨麵嘅人一定知道呢款嘅麵底會比較軟淋，如果食開彈牙嘅麵就未必會鍾意。個麵好大碗，個碗都好深，一拎上檯我見到都呆左，因為啲料係真係舖滿曬成個碗。見到隔離檯係兩個人share一碗食。首先第一啖就係飲左個湯先。因為比較少煮野食，所以我都唔知嫩雞煨麵其實會唔會落奶。但每一碗好味嘅嫩雞煨麵都一定好有奶味。呢碗都唔例外，奶味好重。雞同菜都比得好多，不過切得好細粒。識我嘅人都知我平時出街食野見到好多菜就會好開心。菜當然好有菜味，雞就相對冇咁有雞味。不過呢碗麵最重要嘅係湯底，所以雞味就相對冇咁重要。最後我竟然一個人食得曬成碗，仲飲曬啲湯，飽到上心口。大排麵 $50呢碗係朋友叫嘅，不過我都食左啲。湯底鹹左少少不過可接受。個麵正常，都係好大碗。豬扒炸得幾香，不過如果肉汁再多啲會好啲
暫時喺香港食過覺得好好食嘅嫩雞煨麵係喺黃埔同美孚都有分店嘅滄浪亭，同埋喺黃埔嘅三毛麵館，不過每次都係買takeaway。
今日特登搭去美孚堂食滄浪亭，估唔到兩點半去到都仲係咁多人，等左幾張檯先有得入去食。
嫩雞煨麵 $50
食開嫩雞煨麵嘅人一定知道呢款嘅麵底會比較軟淋，如果食開彈牙嘅麵就未必會鍾意。
個麵好大碗，個碗都好深，一拎上檯我見到都呆左，因為啲料係真係舖滿曬成個碗。見到隔離檯係兩個人share一碗食。
首先第一啖就係飲左個湯先。因為比較少煮野食，所以我都唔知嫩雞煨麵其實會唔會落奶。但每一碗好味嘅嫩雞煨麵都一定好有奶味。呢碗都唔例外，奶味好重。
雞同菜都比得好多，不過切得好細粒。識我嘅人都知我平時出街食野見到好多菜就會好開心。菜當然好有菜味，雞就相對冇咁有雞味。不過呢碗麵最重要嘅係湯底，所以雞味就相對冇咁重要。
最後我竟然一個人食得曬成碗，仲飲曬啲湯，飽到上心口。
大排麵 $50
呢碗係朋友叫嘅，不過我都食左啲。
湯底鹹左少少不過可接受。個麵正常，都係好大碗。
豬扒炸得幾香，不過如果肉汁再多啲會好啲。
鍾意食辣嘅朋友可以加辣醬。
整體黎講呢間都係一間好食嘅上海麵館。大部分麵都係$50大大碗幾抵食。
嫩雞煨麵
$50
53 瀏覽
1 讚好
0 留言
大排麵
$50
41 瀏覽
1 讚好
0 留言
張貼
